Шпанските медиуми после поразот на Реал Мадрид од ПСЖ (3:0) отворено повикуваа на смена на Зинедин Зидан.

Наводно во клубот на големо размислуваат за нов тренер, а Зидан изгледа нема многу време да ја поправи ситуацијата.

Зидан на клупата на Реал би можел да го наследи Жозе Мурињо. Португалецот сега се огласи оваа тема.

„Би била голема чест да се вратам во Реал Мадрид“, изјави Мурињо, а потоа зборуваше за Зидан и неговата сегашна позиција во клубот.

„Не сакам сега да зборувам за враќање во Реал бидејќи имаат тренер и тој не е било кој. Моето враќање ќе се случи кога ќе дојде време за тоа“, порача „Специјалниот“.

Засега учи и германски.
„Во овој момент се забавувам работејќи на телевизија. Исто така учам германски во случај да почнам да работам таму“, истакна Жозе.

Португалецот го водеше Реал од 2010 до 2013 година и ја освои титулата шампион, шпанскиот куп и Суперкупот на Шпанија.

ОСТАВЕТЕ ОДГОВОР

Напишете коментар!
Ве молиме внесете го вашето име овде