Грчката полиција рано утрово започна голема полициска акција во објекти под опсада во атинската населба Ексархија, а до 9 часот по локално време биле приведени над 90 лица.

Во објектите под опсада, неофицијално, имало лица поврзани со трговија со дрога.

Ексархија, што се наоѓа во поширокиот регион на центарот на Атина, важи за собиралиште на анархисти, но е и населба во која се движат и трговци со дрога.

Минатата седмица, во Ексархија група маскирани лица, веројатно анархисти, нападнаа службеници на грчката крајбрежна служба и обвинители за време на нивната истрага за случај со дрога.

Во полициската акција, која што е во тек, учествуваат полицајци од различни служби на грчката полиција.

ОСТАВЕТЕ ОДГОВОР

Напишете коментар!
Ве молиме внесете го вашето име овде