Соња Караџиќ-Јовичевиќ, потпретседателка на Народното собрание на Република Српска и ќерка на Радован Караџиќ, изјави дека и 20 и 40 години затворска казна е доживотен затвор и дека пресудата за татко ѝ е резултат на политички притисок.

„Таквата пресуда очигледно е резултат на политички притисок и нема никаква врска со правото, правдата, фактите и доказите и тоа што во жалбената постапка го работеше адвокатскиот тим“, изјавила таа за РТРС.

Како успех на одбраната на Караџиќ го навела тоа што не е пресуден геноцид во седум општини.

„Се надевам дека кога тогаш вистината ќе излезе на виделина и дека овие народи, кога ќе дојдат до вистината во БиХ, конечно ќе може да се помират и да живеат нормално. До тогаш мислам дека тоа ќе биде сè потешко и потешко“, рекла Караџиќ-Јовичевиќ.

Механизмот за меѓународни кривични судови (МИЦТ), наследник на Хашкиот трибунал, го осуди Караџиќ на доживотна затворка казна. Караџиќ во 2016 година првостепено беше осуден на 40 години затвор.

ОСТАВЕТЕ ОДГОВОР

Напишете коментар!
Ве молиме внесете го вашето име овде