Фејсбук статусот на Татјана Лазаровска ангажирана како професионален војник во артилериската единица на АРМ, која напиша дека напаѓачот од Нов Зеланд одговорен за масакрот во две џамии каде беа убиени 50 луѓе, заслужува да добие Нобелова награда, беше окарактиризиран како ширење говор на омраза преку социјалните мрежи, при што наиде на остри критики во јавноста.

И додека од Генералштабот на АРМ потврдија дека веќе се води дисциплинска постапка и побарана е најстрога санкција, а дотогаш не смее да користи оружје, на другата страна на планетата, многу поблизу до местото каде што се случи масакарот една друга Македонка е мета на закани и добива заканувачки пораки.

Станува збор за познатата македонска фолк пејачка Татјана Лазаревска, која последниве неколку години заедно со својот сопруг, пејачот Новица Василевски се пресели да живее и работи во Австралија. Фолкерката има исто име и многу слично презиме, со припадничката на АРМ, односно разликата во нивните презимиња е само една буква: О и Е. Обете се русокоси, со слични фризури.

Токму оваа сличност предизвикала забуна кај некои, очигледно недоволно упатени корисници на социјалните мрежи па дошло до замена на идентитетот на личноста, при што војникот Татјана ја замениле со пејачката Татјана, која почнала да добива заканувачки пораки по живот преку социјалните мрежи  од непознати лица.

Македонската фолкерка се обрати на јавноста со образложение  дека таа не е ТАА на која се мисли, односно дека се работи за забуна и замена на идентитетот и погрешна личност на која и се обраќаат и закануваат.

ОСТАВЕТЕ ОДГОВОР

Напишете коментар!
Ве молиме внесете го вашето име овде