Забраната за автомобили со постари дизел мотори во германскиот град Штутгарт, која беше донесена по минатогодишната судска пресуда, ќе стапи на сила во понеделник.

,,Забраната ќе важи и за сопствениците на автомобили кои живеат во тој град”, соопштија градските власти.

Претставниците на градската администрација рекоа дека на возилата со мотори кои не ги исполнуваат стандардите за емисија на Еуро 4 ќе им биде забрането да се движат или да се паркираат во градот, објави Танјуг.

Со забраната нема да бидат опфатени возилата со мотори кои задоволуваат Еуро 5 стандарди за емисија, но конечната одлука ќе биде донесена по тестирањето на емисијата на штетни гасови кон средината на годинава.

Сојузниот управен суд во Германија минатата година одлучи дека градовите во оваа земја можат да забранат возење на дизел автомобили во рамки на борбата против загадувањето на воздухот.

ОСТАВЕТЕ ОДГОВОР

Напишете коментар!
Ве молиме внесете го вашето име овде