Вчера националниот совет на Швајцарија гласаше за криминализирање на хомофобични и трансфобични дела и нивно казнување со казна затвор до три години. Советот гласаше со 118 гласови за и 60 гласови против, да се воведе казна затвор за овој чин.

Останува предлогот да биде усвоен од Советот на држави за и официјално да стане закон.  Националниот советник, Матијас Рејнард, кој го поднесе предлогот на „Твитер“ напиша: „Националниот совет ја прифаќа мојата парламентарна иницијатива против хомофобијата и трансфобијата! Прекрасен успех за човековите права! Конечен одговор во декември во Советот на држави“.

Рејнард рече дека одлуката на швајцарскиот парламент е одлична вест бидејќи испраќа многу моќна порака: хомофобијата не е мислење, туку е кршење на законот. Тој дополни дека додека работел на овој закон, дознал дека швајцарската судска пракса не казнува ниту омраза или говор на омраза кон ЛГБТ луѓето.

ОСТАВЕТЕ ОДГОВОР

Напишете коментар!
Ве молиме внесете го вашето име овде