Министерката за внатрешни работи на Еквадор, Марија Паула Ромо изјави дека е уапсено едно лице под сомнение дека е клучен играч на Викиликс.

– Лице блиско до Викиликс, кое имаше виза за престој во Еквадор уапсено е додека се подготвуваше да патува за Јапонија, напиша Ромо на Твитер.

Таа не го именува уапсениот, само наведе дека е осомничен дека ковал заговор против Владата на Еквадор. Ромо исто така наведе дела уапсениот неколку години живеел во Еквадор и оти често патувал за Лондон.

Тој е приведен едноставно поради истражни причини, посочи Ромо.

Неиемнуван владин претставник изјави дека уапсениот на аеродромот во Кито е шведскиот програмер Ола Бини.

Апсењето во Кито се случило само неколку часа по апсењето на Џулијан Асанж во Лондон, откако Владата на Еквадор му го укина азилот.

ОСТАВЕТЕ ОДГОВОР

Напишете коментар!
Ве молиме внесете го вашето име овде